ಪಾಪು ಪುಟ

Saturday, July 17, 2010

0 comments Posted by ಸಾ. ಹೇಮಂತ ಕುಮಾರ at 12:14 PM

ವಿದ್ಯಾರ್ಥಿ

ಉಪಗ್ರಹ "ಸ್ಟುಡ್ ಸ್ಯಾಟ್"

ಮೂರೂ, ಎರಡೂ, ಒಂದೂ...., ಅಬ್ಬಾ! ಉಸಿರುಗಟ್ಟುವ ಕ್ಷಣವದು, ಕಣ್ಣು ಮಿಟಿಕಿಸುವುದರಲ್ಲಿ ಬುಸ್ ಎಂದು ಹಾರಲು ಸಿದ್ಧವಾಗಿ ನಿಂತಿದ್ದ ಪಿ.ಎಸ್.ಎಲ್.ವಿ-ಸಿ15 ಹೆಸರಿನ ಗಗನ ನೌಕೆ. ತನ್ನ ಒಡಲಲ್ಲಿ ಐದು ಉಪಗ್ರಹಗಳನ್ನು ಪೋಣಿಸಿಕೊಂಡು ಭೂಮಿಯಿಂದ ಮೇಲಕ್ಕೆ ಹಾರಿ 637ಕಿ.ಮೀ. ದೂರದಲ್ಲಿ ಒಂದಾದಮೇಲೊಂದರಂ

ತೆ ತಕ್ಕ ಕಕ್ಷೆಗೆ ಉಪಗ್ರಹಗಳನ್ನು ಸುರಕ್ಷಿತವಾಗಿ ಸೇರಿಸಿತು, ಅದೂ ಕೇವಲ 17.4 ನಿಮಿಷಗಳಲ್ಲಿ. ಭಾರತದಲ್ಲಿ ಇದೇ ಮೊದಲ ಬಾರಿಗೆ ವಿದ್ಯಾರ್ಥಿಗಳು ನಿರ್ಮಿಸಿದ ಉಪಗ್ರಹವು ಕಕ್ಷೆಸೇರಿದೆ. ಸುಮಾರು

35 ವಿದ್ಯಾಥರ್ಿಗಳ ತಂಡ ಇಸ್ರೋ ವಿಜ್ಞಾನಿಗಳ ಸಹಕಾರದೊಂದಿಗೆ ಸತತ ಒಂದೂವರೆ ವರ್ಷಗಳ ಶ್ರಮದ ಫಲವಾಗಿ "ಸ್ಟುಡ್ ಸ್ಯಾಟ್"ನಿರ್ಮಾಣವಾಗಿತ್ತು. ಕ್ರಯೋಜನಿಕ್ ಎಂಜಿನ್

ಮೊದಲ ಬಾರಿಗೆ ಬಳಸಿದ್ದ ಜಿ.ಎಸ್.ಎಲ್.ವಿ-ಡಿ3 ಏಪ್ರಿಲ್ನಲ್ಲಿ ಉಡಾವಣೆಗೊಂಡ ಕೆಲಕ್ಷಣದಲ್ಲೇ ಬಂಗಾಳಕೊಲ್ಲಿಯನ್ನು ಸೇರಿತ್ತು. ವಿಜ್ಞಾನಿಗಳು ಸೋಲಿನಿಂದ ಹಿಂಜರಿಯದೆ ಮೂರೇ ತಿಂಗಳಲ್ಲಿ ಕಠಿಣ ಶ್ರಮವಹಿಸಿ ಈ ಬಾರಿ ಯಶಸ್ಸನ್ನು ತಮ್ಮದಾಗಿಸಿಕೊಂಡು ಬೇಸರವನ್ನು ದೂರವಾಗಿಸಿದ್ದಾರೆ.

230ಟನ್ ತೂಕ, 44.4ಮೀ ಎತ್ತರವಿರುವರ ಈ

ಗಗನ ನೌಕೆ, ನಾಲ್ಕು ಹಂತಗಳನ್ನು ಒಳಗೊಂಡಿದೆ. ಇದರ ತಯಾರಿಗೆ ಸುಮಾರು 260 ಕೋಟಿಯಷ್ಟು ಖಚರ್ಾಗಿದೆ. ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ನೆಲೆಯಿಂದ ಸೋಮವಾರ ಉಡಾವಣೆಗೊಂಡ ಪಿ.ಸ್.ಎಲ್.ವಿಯಲಿದ್ದ ಐದು ಉಪಗ್ರಹಗಳು:

*ದೂರ ಸಂವೇದಿ ಉಪಗ್ರಹ ಕಾಟರ್ೊಸ್ಯಾಟ್-2ಬಿ(690ಕಿ.ಲೊ)

*ಸ್ಟುಡ್ ಸ್ಯಾಟ್(850ಗ್ರಾಂ)

*ಅಲ್ಜೇರಿಯಾದ ಅಲ್ಸ್ಯಾಟ್(116ಕಿ.ಲೊ)

*ಕೆನಡಾ ಮತ್ತು ಸ್ವಿಡ್ಜರ್ಲ್ಯಾಂಡ್ ನ್ಯಾನೊ ಉಪಗ್ರಹಗಳು(6ಕಿ.ಲೊ,1ಕಿ.ಲೊ)

*ಒಷನ್ ಸ್ಯಾಟ್-2

1994ರಿಂದ2009ರವರೆಗೆ 22ವಿದೇಶಿ ಉಪಗ್ರಹಗಳು, 17 ಭಾರತೀಯ ಉಪಗ್ರಹಗಳನ್ನು ಕಕ್ಷೆಗೆ ಸೇರಿಸಲಾಗಿದ್ದು, 2013ರ ವೇಳೆಗೆ ಮಾನವರಹಿತ ಚಂದ್ರಯಾನಕ್ಕೆ ಇಸ್ರೋ ಸಿದ್ಧತೆ ನಡೆಸಿದೆ. ಕಾಟರ್ೊಸ್ಯಾಟ್-2ಬಿ ಇಸ್ರೋದ

ಅತ್ಯಂತ ದೂರ ಸಂವೇದಿ ಉಪಗ್ರಹವಾಗಿದ್ದು, ಎಲ್ಲಾ ಬಣ್ಣಗಳಿಗೂ ಪ್ರತಿಕ್ರಿಯೆ ತೋರುವ ಕ್ಯಾಮರಾವನ್ನು ಅಳವಡಿಸಲಾಗಿದೆ. 0.8ಮೀ ಅಂತರಿಕ್ಷೀಯ ಸ್ಪಷ್ಟತೆ ಹಾಗೂ 9.6ಕಿ.ಮೀ ದೂರದ ಗೋಚರತೆ ಸಾಮಥ್ರ್ಯ ದೇಶದ ಗ್ರಾಮೀಣ ಭಾಗಗಳ ಅಭಿವೃದ್ಧಿಗೆ ಸಹಕಾರಿಯಾಗಲಿದೆ.

ಈ ಉಡಾವಣೆಯಲ್ಲಿನ ಸ್ವಾರಸ್ಯಕರ ಸಂಗತಿ, "ಇಂಟರ್ನ್ಯಾಶನಲ್ ಆಸ್ಟ್ರೋನಾಟಿಕಲ್ ಸೆಮಿನಾರ್"ನಿಂದ ಸ್ಫೂರ್ತಿ ಪಡೆದ ನಮ್ಮ ಕನರ್ಾಟಕ ಹಾಗೂ ಆಂಧ್ರಪ್ರದೇಶದ ಯುವ ಇಂಜಿನಿಯರಿಂಗ್ ವಿದ್ಯಾರ್ಥಿಗಳ ತಂಡ ಪಿಕೊ(ಅತಿ ಸಣ್ಣ) ಉಪಗ್ರಹವನ್ನು ತಯಾರಿಸಿ ದಾಖಲೆಯನ್ನು ನಿರ್ಮಿಸಿದ್ದಾರೆ. ಒಂದು ಕೆ.ಜಿ.ಗಿಂತಲೂ ಕಡಿಮೆ ತೂಕ ಹಾಗೂ 10ಸೆಂ.ಮೀ.*10ಸೆಂ.ಮೀ*13.5ಸೆಂ.ಮೀ ಅಳತೆಯೊಂದಿಗೆ ಹಗುರವಾಗಿದ್ದರೂ, 90ಮೀ ರೆಸಲ್ಯೂಶನ್ ಸಾಮಥ್ರ್ಯದ ಕ್ಯಾಮರಾವನ್ನು ಬಳಸಿದ್ದು ಹವಾಮಾನ ಹಾಗು ಬೆಳೆಗೆ ಸಂಬಂಧಿಸಿದ ಅಧ್ಯಯನವನ್ನು ನಡೆಸಲು ಸಹಕಾರಿಯಾಗಲಿದೆ. ಉಪಗ್ರಹ ಉಡಾವಣೆಗೊಳ್ಳುತ್ತಿದ್ದಂತೆ ವಿಜ್ಞಾನಿಗಳು ಸಂಭ್ರಮಿಸಿದರಾದರೂ, ವಿದ್ಯಾರ್ಥಿಗಳಲ್ಲಿ ಆತಂಕದ ಛಾಯೆ ಮಡುಗಟ್ಟಿತ್ತು, ಸುಮಾರು ಒಂದೂವರೆ ಗಂಟೆಯ ನಂತರ ಬೆಂಗಳೂರಿನ ನಿಟ್ಟೆ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಕಾಲೇಜಿನಲ್ಲಿ ಅಳವಡಿಸಿದ್ದ ರಿಸೀವರಗಳ ಮೂಲಕ ಸಿಗ್ನಲ್ ಹಾದು ಬೀಪ್ ಶಬ್ದದೊಂದಿಗೆ ಕಂಪ್ಯೂಟರ್ ಪರದೆಯ ಮೇಲೆ ಚಿತ್ರ ಮೂಡುತ್ತಿದ್ದಂತೆ ಯುವ ವಿಜ್ಞಾನಿಗಳ ಕಣ್ಣಿನಲ್ಲಿ ಹೊಳಪು ಮೂಡಿ ಹಬ್ಬದ ಸಂಭ್ರಮ ಮನೆಮಾಡಿತು. ಎನ್.ಎಂ.ಐ.ಟಿ, ಆರ್.ವಿ.ಸಿ.ಇ, ಎಂ.ಎಸ್.ಆರ್.ಸಿ, ಎಂ.ಎನ್.ಎಸ್ ಹಾಗೂ ಬಿ.ಎಂ.ಎಸ್ ಕಾಲೇಜುಗಳು ಸೇರಿ ಒಟ್ಟು 55ಲಕ್ಷ ರೂಪಾಯಿ ವೆಚ್ಚದಲ್ಲಿ ಈ ಉಪಗ್ರಹವನ್ನು ತಯಾರಿಸಲಾಗಿದ್ದು, ರಿಸೀವರ್ಗಳಿಗೆ ನಿಟ್ಟೆ ಸಂಸ್ಥೆ 45ಲಕ್ಷ ಖಚರ್ು ಮಾಡಿದೆ.

ಭಾನುವಾರ ರಾತ್ರಿಯಿಡೀ ವಿಶ್ವಕಪ್ ಪುಟ್ಬಾಲ್ನ ಫೈನಲ್ ಪಂದ್ಯದ ವೀಕ್ಷಣೆಯ ಗುಂಗಿನಲ್ಲಿದ್ದ ಜನರು ಒಂದು ಕಡೆಯಾದರೆ, ತಮ್ಮ ಕನಸನ್ನು ಸಾಕಾರಗೊಳ್ಳುವ ಕೊನೆಯ ಹಂತದಲ್ಲಿದ್ದ 35 ವಿದ್ಯಾರ್ಥಿಗಳು ಮೂರು ತಂಡಗಳಾಗಿ ಮಾರ್ಪಟ್ಟು, ಒಂದು ಗುಂಪು ಶ್ರೀಹರಿಕೋಟಾದಲ್ಲಿ, ಮತ್ತೆರಡು ಗುಂಪು ಬೆಂಗಳೂರಿನ ಪೀಣ್ಯದಲ್ಲಿರುವ "ಇಸ್ಟ್ರಾಟ್" ಹಾಗೂ ಯಲಹಂಕದ "ನಾಸ್ಟ್ರಾಕ್" ಕೇಂದ್ರಗಳಲ್ಲಿ ಕಣ್ಣಿಗೆ ಎಣ್ಣೆಬಿಟ್ಟುಕೊಂಡು ಕಾರ್ಯನಿರ್ವಹಿಸಿ ಕೊನೆಗೂ ಸಾಧನೆಯ ಶಿಖರವನ್ನೆ ಏರಿದ್ದಾರೆ. ಯುವಕರ ಆಸಕ್ತಿ ಅದ್ಭುತ ಅನುಭವವನ್ನೇ ನೀಡಿದೆ, ಇಸ್ರೋ ವಿಜ್ಞಾನಿಗಳ ಮಾರ್ಗದರ್ಶನ ಭಾರತೀಯ ವಿದ್ಯಾರ್ಥಿಗಳ ಪಾಲಿಗೆ ವರವೇ ಸರಿ. ಈ ಎಲ್ಲಾ ಪರಿಣತಿಯನ್ನು ಪಡೆದ-ಪಡೆಯುವ ವಿದ್ಯಾರ್ಥಿ ಸಮೂಹ ವಿದೇಶದ ಕಲ್ಪನಾವಿಲಾಸಕ್ಕೆ ಮಾರು ಹೋಗದೆ ದೇಶದ ಪ್ರಗತಿದೆ ದುಡಿಯುವ ಪಣ ತೊಟ್ಟರೆ ಇನ್ನು ಹತ್ತೇ ವರ್ಷಗಳಲ್ಲಿ ಭಾರತ ದೇಶವು ಇಡೀ ಪ್ರಪಂಚವೆ ಬೆರಗಿನಿಂದ ನೋಡುವಂತೆ ಮಾಡಬಹುದು

   

Monday, July 12, 2010

Friday, July 9, 2010

0 comments Posted by ಸಾ. ಹೇಮಂತ ಕುಮಾರ at 11:45 AM

ಪ್ರೀತಿ

ಮನಗಳ ಮಧುರ ಮಿಲನ "ಪ್ರೀತಿ", ಜೀವನವೇ "ಪ್ರೀತಿ", ಬಾಂಧವ್ಯದ ಬೆಸುಗೆ "ಪ್ರೀತಿ", ಮನಸಲ್ಲಿ

ಮೂಡಿ ಕಣ್ಣಲ್ಲಿ ಅರಳೋದು "ಪ್ರೀತಿ"....ಹೀಗೇ ಎಷ್ಟು ಪದಗಳಲ್ಲಿ ಹೇಳಿದರೂ ಮುಗಿಯದಂತದ್ದು ಸಾಗರಕ್ಕೂ ಮಿಗಿಲಾದದ್ದು ಈ

"ಪ್ರೀತಿ".

"ಪ್ರೀತಿ" ಅನ್ನೋ ಪದ ಕೇಳುತ್ತಿದ್ದಂತೆ ಮನಸ್ಸಿನಲ್ಲಿ ಅದೆಂತದೋ ಭಾವನೆ ಉಮ್ಮಳಿಸಿ ಬರುತ್ತದೆ,

ಏನೋ ಆನಂದ, ಏನೋ ಪಡೆದಂತ ತೃಪ್ತಿ. ಅಂದರೆ ಈ ಪ್ರೀತಿಗೆ ಅಷ್ಟೊಂದು ಶಕ್ತಿಯಿದೆಯಾ...?! ಹೌದೂ, ಈ ಇಡೀ ಜಗತ್ತಿನ ಜೀವಕೋಟಿಗಳು ಬದುಕಿರೋದಕ್ಕೆ, ಬೆಳೆದು ಮುನ್ನಡೆಯೋದಕ್ಕೆ ಆಧಾರವೇ "ಪ್ರೀತಿ". ಸಣ್ಣ ಮೀನಿನಿಂದ ಹಿಡಿದೂ ಮಾನವನವರೆಗೂ ತನ್ನ ಹುಟ್ಟಿನೊಂದಿಗೇ ಪ್ರೀತಿಯ ಆರೈಕೆ ತಾಯಿಯಿಂದ ಮೊದಲಾಗಿ, ಬೆಳೆಯುತ್ತಾ ಸುತ್ತಮುತ್ತಲಿನವರ ಹಾರೈಕೆಯ ಪ್ರೀತಿ, ಸ್ನೇಹಿತರ-

ಸಹಪಾಠಿಗಳ, ಅಣ್ಣ-ಅಕ್ಕ-ತಂಗಿಯರ ಅಕ್ಕರೆಯ ಪ್ರೀತಿ. ಮುಂದೇ ಸಂಗಾತಿಯ ಪ್ರೀತಿ, ಮಕ್ಕಳ ಪ್ರೀತೀ...ಹಾಗೆ ನೋಡಿದರೆ ಪ್ರೀತಿಗೆ "ಆದಿಯೂ ಇಲ್ಲಾ ಅಂತ್ಯವೂ ಇಲ್ಲಾ". ನನ್ನ ಯುವ ಸ್ನೇಹಿತರು ಇದನ್ನು ಗ್ರಹಿಸುವುದಲ್ಲಿ, ಅರ್ಥ ಮಾಡಿಕೊಳ್ಳುವುದರಲ್ಲಿ ಎಡವಿದ್ದಾರಾ?..ಹಾದಿತಪ್ಪಿದ್ದಾರಾ?.. ಅಥವಾ ಈ ಸೂಕ್ಷ್ಮ ಶಕ್ತಿಯ ತಿಳಿಯೋ ಗೋಜಿಗೇ ಹೋಗಿಲ್ಲವಾ?...ನೀವೇ ಇದಕ್ಕೆಲ್ಲಾ ಉತ್ತರ ಹುಡುಕಿಕೊಳ್ಳಬೇಕು. ಒಬ್ಬ ವಿವೇಕಿ ಹೇಳೋ ಹಾಗೆ "ನಾವು ಜಗತ್ತಿನ ಎಲ್ಲರನ್ನೂ ಎಲ್ಲಿಯವರೆಗೆ ಪ್ರೀತಿಸೋದನ್ನ ಕಲಿಯೋದಿಲ್ಲವೋ, ಅಲ್ಲಿಯವರೆಗೂ ಒಬ್ಬ ವ್ಯಕ್ತಿಯನ್ನು ಖಂಡಿತವಾಗಿಯೂ ಪ್ರೀತಿಸಲಾರೆವೂ....". ಈ ಮಾತಿನ ಅರ್ಥ ಎಲ್ಲರನ್ನೂ ಒಗ್ಗೂಡಿಸುವ, ಸಂಬಂಧವ ಗಟ್ಟಿಗೊಳಿಸುವ ಆಂತರ್ಯ ಈ ಪ್ರೀತಿಗಿದೆ ಎಂಬುದು.

ಹತ್ತಾರು ವರ್ಷಗಳು ಜೊತೆಗಿದ್ದರೂ ಉಸಿರೆತ್ತದ ಪ್ರೀತಿ ಒಂದೇ ನೋಟದಲ್ಲಿ ಒಡಮೂಡುತ್ತದೆಂಬುದು ಹಾಸ್ಯಾಸ್ಪದವಾಗಿ ಕಂಡರೂ, ಕೆಲವು ಸಂದರ್ಭಗಳಲ್ಲಿ ಪ್ರೀತಿಯ 'ಫ್ರೀಕ್ವೆನ್ಸಿ ಮ್ಯಾಚ್' ಆಗಿ ಜೊತೆಗೂಡಿರೋ ಉದಾಹರಣೆಗಳು ಸಾಕಷ್ಟು. ಮನಸ್ಸನ್ನು ಅರ್ಥ ಮಾಡಿಕೊಳ್ಳೋ ಮನಸ್ಸು ಸಿಗದೆ "ಮಿಸ್ಮ್ಯಾಚಾಗಿ" ಪ್ರೀತಿಯ ಸಾಗರದಲ್ಲಿ ಮರೆಯಾದವರು ಅದೆಷ್ಟೋ ಮಂದಿ. ನಿಮ್ಮೆಲ್ಲರಿಗೂ ಮುಖ್ಯವಾಗಿ ಹೇಳಲೇ ಬೇಕಾದದ್ದು ಮುಖದ ವಿಷಯ, ಮುಖಾ ನೋಡಿ ಮನಸ್ಸು ಅರ್ಥವಾಯ್ತು ಅನ್ನೋದು ಮಾಯಾಜಾಲವಷ್ಟೇ. ವಾಸ್ತವದಲ್ಲಿ ಎರಡಕ್ಕೂ ಭೂಮಿ-ಆಕಾಶದಷ್ಟು ಅಂತರವಿರಬಹುದು. ಬಾಹ್ಯ ಸೌಂದರ್ಯದ ಆಕರ್ಷಣೆಯಿಂದ ಮೋಹಿತರಾಗಿ ಹೃದಯಗಳು ಬದಲಾಗಿವೆ ಅನ್ನೋದು ಪ್ರೀತಿಗೆ ಸಮಾಧಿಕಟ್ಟಿದ ಹಾಗೆ, ನಿಜವಾದ ಪ್ರೀತಿಗೆ ಹಲವು ಸಲ ಸಂಯಮ ಅಗತ್ಯವೆಂದು ತೋರುತ್ತದೆ. ಒಟ್ಟಿನಲ್ಲಿ ಯುವ ಮನಸ್ಸುಗಳೇ ಈ ಪ್ರೀತಿ ಜಗತ್ತಿಗೇ ಬೆಳಕು ಕೊಡೋ ಸೂರ್ಯನ ಶಕ್ತಿಗೆ ಸಮನಾದದ್ದು, ಈ ಭಾವದಲ್ಲಿ ಮುಳುಗಿ ಮರೆಯಾಗೋದಕ್ಕಿಂತ ಇದರಿಂದಲೇ ಜೀವನದಲ್ಲಿ ಮೇಲೇಳೋ ಚಾಪನ್ನು ಮೂಡಿಸಿ, ಸಾಧನೆಗಿದೇ ಸ್ಫೂರ್ತಿಯಾಗಲಿ, ವರ್ಷದಲ್ಲಿ ಮಾಡೋ ಕೆಲಸ ವಾರದಲ್ಲಿ ಮುಗಿಸೋ ತಾಕತ್ತನ್ನು ಈ ಪ್ರೀತಿಯಿಂದ ಬೆಳಸಿ.

ಕೊನೇ ಮಾತೂ....

ಕೆಂಪು ರಕ್ತ ಕ್ರೂರತೆಗೆ ಸಾಕ್ಷಿ,

ಕೆಂಪು ಹೂ ಪ್ರೀತಿಗೆ ಸಾಕ್ಷಿ........."ಕ್ರೂರತೆ ಅಳಿಸಿ, ಪ್ರೀತೀನ ಬೆಳಸಿ".